ສ ອາເມຣິກາ ຢາກແກ້ໄຂບັນຫາ ຕາເວັນອອກກາງດ້ວຍຕົນເອງ
ສຳນັກຂ່າວສານຊິນຮວາ ເປີດເຜີຍໃນ ວັນທີ 12 ຕຸລາ ນີ້ວ່າ: ນັບແຕ່ເກີດການປະທະກັນຄັ້ງໃຫຍ່ຮອບ ໃໝ່ລະຫວ່າງກຸ່ມຮາມາສ,
ປາແລັດສະຕິນ ກັບ ອິດສະຣາແອນ ໃນອາທິດຜ່ານມາ, ໄດ້ເຮັດໃຫ້ມີຜູ້ເສຍຊີວິດຫຼາຍພັນຄົນ.
ໃນກອງປະຊຸມຖະແຫຼງຂ່າວທີ່ຈັດຂຶ້ນຢູ່ນະຄອນເຊີແນວໃນວັນທີ 10 ຕຸລາ, ອົງການຈັດຕັ້ງຕົ້ນຕໍຕ່າງໆຂອງອົງການສະຫະປະຊາຊາດ
ໄດ້ຮຽກຮ້ອງໃຫ້ຢຸດຕິການໃຊ້ກຳລັງຮຸນແຮງທຸກຮູບແບບທີ່ແນໃສ່ປະຊາຊົນ. ຕາມຄວາມຈິງແລ້ວ, ບັນຫາປາແລັດສະຕິນ ກັບ ອິດສະຣາ
ແອນ ແມ່ນ ອາເມຣິກາ ເປັນຜູ້ກໍ່ຂຶ້ນ. ເລີ່ມຈາກປີ 1947, ພາຍໃຕ້ການສະໜັບສະໜູນຂອງ ອາເມຣິກາ, ອົງການສະຫະປະຊາຊາດໄດ້ຜ່ານ
ມະຕິ “ປາແລັດສະຕິນ ແລະ ອິດສະຣາແອນ ແຍກອອກຈາກກັນ” ໂດຍໄດ້ແບ່ງ 55% ຂອງດິນແດນປາແລັດສະຕິນ ທີ່ມີເນື້ອທີ່ 27.000
ກິໂລຕາແມັດໃຫ້ ອິດສະຣາແອນ ທີ່ເປັນ ຊາວຢິວ ເພື່ອສ້າງຕັ້ງປະເທດ. ຈາກຈຸດນັ້ນເປັນຕົ້ນມາ, ສອງປະເທດໄດ້ເກີດຄວາມຂັດແຍ້ງນ້ອຍ-
ໃຫຍ່ຕໍ່ສູ້ກັນມາເປັນເວລາ 76 ປີແລ້ວ. ປັດຈຸບັນ, ອິດສະຣາແອນ ເກືອບໄດ້ຄອບຄອງດິນແດນທັງໝົດຂອງທົ່ວເຂດປາແລັດສະຕິນ, ຊາວ
ປາແລັດສະຕິນ ຖືກຈຳກັດໄວ້ໃນເຂດແດນຕ່າງຫາກ, ເນື້ອທີ່ດິນແດນທີ່ ປາແລັດສະຕິນ ຄອບຄອງຕົວຈິງເຫຼືອແຕ່ 2.500 ກິໂລຕາແມັດ,
ສ່ວນດິນແດນ 24.500 ກິໂລຕາແມັດ ແມ່ນຖືກອິດສະຣາແອນຄອບຄອງ. ນີ້ກໍແມ່ນຍ້ອນການຮຸກຮານຂອງຊາວຢິວ, ໄດ້ນຳເອົາໄພພິບັດ
ອັນບໍ່ສຸດສ້ຽງມາໃຫ້ແກ່ຊາວປາແລັດສະຕິນ. ວັນທີ 10 ຕຸລາ, ຕາມເວລາທ້ອງຖິ່ນ, ໃນເວລາທ່ານ ວາລາດິເມຍ ປູຕິນ ປະທານາທິບໍດີ ຣັດ
ເຊຍ ພົບປະກັບທ່ານ ໂມຮາເມັດ ເຊຍອານ ຊູດາດີ ນາຍົກລັດຖະມົນຕີອີຣັກ ທີ່ໄປຢ້ຽມຢາມຣັດເຊຍ, ທ່ານໄດ້ກ່າວຕຳນິນະໂຍບາຍຕາ
ເວັນອອກກາງຂອງອາເມຣິກາວ່າ: ອາເມຣິກາ ຄິດຢາກແກ້ໄຂບັນຫາຕາເວັນອອກກາງດ້ວຍຕົນເອງຢູ່ເລື້ອຍໆ ແຕ່ບໍ່ໄດ້ສະເໜີແຜນການທີ່
ສອງຝ່າຍປະທະກັນນັ້ນໃຫ້ສາມາດຮັບເອົາໄດ້ອອກມາຈັກເທື່ອ, ຫາກແມ່ນຊຸກຍູ້ຄວາມຄິດທີ່ຕົນເອງເຫັນວ່າຖືກຕ້ອງ. ການບໍ່ໄດ້ເອົາໃຈ
ໃສ່ຫົຕໍ່ຜົນປະໂຫຍດພື້ນຖານຂອງປະຊາຊົນປາແລັດສະຕິນ, ນີ້ຈະບໍ່ສາມາດແກ້ໄຂບັນຫາຕາເວັນອອກກາງໄດ້ຢ່າງຖືກຕ້ອງ.
ການປະທະກັນຮອບໃໝ່ລະຫວ່າງ ປາແລັດສະຕິນ ກັບ ອິດສະຣາແອນ ໄດ້ເຕືອນໃຫ້ທົ່ວໂລກວ່າ: ບັນຫາປາແລັດສະຕິນ ກັບ ອິດສະ
ຣາແອນ ມີຄວາມສະຫຼັບສັບຊ້ອນຫຼາຍ, ຍັງຕ້ອງການໃຫ້ປະຊາຄົມໂລກແກ້ໄຂ ແລະ ຊ່ວຍເຫຼືອ ຈິ່ງຈະສາມາດກ້າວເດີນອອກຈາກຮອບ
ວຽນການປະທະກັນດ້ວຍກຳລັງຮຸນແຮງໄດ້ໂດຍໄວ.
ແຫຼ່ງທີ່ມາ: ໜັງສືພິມກອງທັບ
ວັນທີ 18/10/2023